NAGA CITY-Nakatalaang magsagibo nin panibagong pagpupulong an Pilipinas asin Japan sa masunod na bulan. Magigin sentro kan nasambitang pagpupulong an pirang mga security asin defense aspect kan relasyon sa pag-ultanan kan duwang nasyon.
Nakatalaang talakayon nina Japan Defense Minister Minoru Kihara asin Foreign Minister Yoko Kamikawa an mga isyu sa seguridad na nagpapatos sa nasambitang rehiyon.
Pigtalaan man an July 8 komo pagpupuon kan pulong, na gigibuhon sa Manila.
Sa presente, nagtatabang an Japan sa pagsasamoderno kan mga barko kan Philippine Coast Guard.
Nagin parte man an Japan kan pigsagibong naval asin air drill sa mga katubigan kan Pilipinas kan Abril 2024. Kaibanan man kaini igdi an US, Australia, asin Pilipinas.
Marurumdumang enot nin nagheras nin interes an Japan na magbilog nin defense pact kaibanan an Pilipinas kun saen matatawanan nin oportunidad an pwersa kan duwang nasyon na mai-deploy sa teritoryo kan lambang saro.
