Aram baya nindo mga ka-bombo, kasuarin sana pig-ako kan sarong Japanese na lalaki na ini an naglalaog sa property kan iba na mapakol na sa haros 1,000 na beses komo hobby.
Pigsaladawan kan lalaki komo thrilling asin exhilarating an saiyang ginigibo.
Huli kaini, tolos na pig-arestrar kan Fukuoka Prefectural Police an 37-anyos na lalaki makalihis na maglaog sa property kan mag-agom sa siyudad kan Daizafu.
Basado sa imbestigasyon, nagluluwas na bako sana ini an enot na pagkakataon na ginibo kan lalaki an paglaog sa pagsasadiri kan ibang tawo nin huli ta aminado ini na personal hobby na an saiyang ginigibo.
Binisto an nasambitan ng indibidwal na si Yuta Sugawara kun saen pigsaysay kaini na nakakapagdara nin kakaibang kaogmahan an saiyang paglaog sa pagsasadiri kan iba maski mayong permiso gikan sa mga owners.
Sa ngunyan, mahahampang sa magkakanigong kapadusahan an nasambitan ng lalaki.
