Nakalataan na liwat na maglaban sa Estados Unidos si Japanese pound-for-pound superstar Naoya Inoue.
Dedepensaran kaini an saiyang undisputed super bantamweight title kontra ki Ramon Cardenas sa maabot na Mayo 4 sa Las Vegas.
Si Inoue an igwang record na 29 kapangganahan asin mayo pang daog siringman igwang 26 knockouts kun saen pigkundusir an huring walong laban kaini sa Japan.
Presenteng kapot kaini an WBC, WBA, WBO asin IBF 122-pound titles.
Ini man an panduwang pound-for-pound boxer sa bilog na kinaban gikan sa The Ring. Mantang si Cardenas an igwang 26 kapangganahan asin sarong daog siringman igwang 14 knockouts.
An laban kaini ki Inoue an enot na pagpurbar para sa world championship.
