Nakipaghilingan si dating Ilocos Sur Governor Chavit Singson ki Hollywood action star Jean-Claude Van Damme para sa paggibo nin sarong pelikula.
Sigun ki Singson, magigibo an pelikula sa Pilipinas kun saen itatampok man digde an Vigan City, sarong United Nations Educational, Scientific, and Cultural Organization (UNESCO) World Heritage City.
Mismong si Van Damme an masirbeng producer kan gigibuhon na pelikula asin piglalaoman na mahihiling digde an pirang matitinding action stunt, kun saen nabisto an action star.
Sa presente, mayo pang pigluwas na buod kan gigibuhon na pelikula mantang pigbibilog pa an magigin cast kaini.
Mientrastanto, sa pag-uulay ninda Singson asin Van Damme sa Central Hong Kong, tinalakay kan duwa an magigin kolaborasyon sa gigibuhon na pelikula.
Nabisto si Van Damme sa bilogna kinaban shuli sa magagayon kaining action film siring kan ”Universal Soldier”, ”The Quest”, ”Double Impact”, ”Hard Target”, asin kadakol pang ibang pelikula na kadaklan an nagsentro sa saiyang martial arts skills.
