Gana via submission an Pinoy MMA fighter na si Jhanlo Mark Sangiao kontra sa Mongolian striker na si Shinechagtga Zoltsetseg. Nagibo ni Sangiao na tapuson an laban sa tahaw kan round 3 sa paagi kan sarong rear naked choke.
Pirang segundo sa nasambitan ng posisyon, dagusang nag-tap out an nakalabang Mongolian.
Sa puon pa sana, nagin aggresibo na an Pinoy fighter asin nagpakawara nin nagkapirang kombinasyon, kaiba an sarong takedown gamit an armbas.
Nagibo man ni Zoltsetseg na bumawi sa ikaduwang round alagad sa huring parte kan laban asin liwat ining bumagsak sa paagi kan marahay na strikig power ni Sangiao.
Dae na pinabayaan pa kan Pinoy pride na makawara an kalaban sa ikatulong round, gamit an epektibong takedown sa round 3.
An 23-anyos na Pinoy fighter, kakahali sana sa sarong pagkadaog kontra sa Mongolian na si Enkh-Ordil Baatarkhuu.
Sa saiyang marahay na performance, piglalaomang mapapatapat ini sa iba pang matitibay na fighter kan One Championship sa mga masunod na laban.
