Dae makawat an setter na si Jia de Guzman para sa Creamline sa 2025 AVC Women’s Champions League.
Sigun ki De Guzman, ini an padagos na ma-pokus sa Denso Airybees’ campaign sa 2024-2025 season kan SV.League sa Japan.
An nasambitan ng season an matapos sa bulan nin Mayo mantang an Women’s Champions League an naka-scheduled para sa April 20 hasta 27 sa PhilSports Arena.
An development na ini an pigkumpirmar ni Miguel de Guzman sa saiyang social media kun saen pigtatawan duon na an Airybees an naglalapigot tanganing maka-abot sa championship round. An Airybees an presenteng igwang record na 25-9, kun saen nasa panduwang spot sa Division 1.
Mientrastanto, liwat man na pigtawan duon kan Creamline na bilog an saindang suporta ki De Guzman’s sa kampanya kaini sa Japan.
An Cool Smashers an marepresentar kan Pilipinas sa Women’s Champions League kaibahan an Petro Gazz Angels, na pig-anunsyar man kan Premier Volleyball League (PVL) president and Philippine National Volleyball Federation (PNVF) vice president Ricky Palou.
Sa ngunyan, an Creamlie an bukas sa pagdugang pa nin duwang imports sa saindang koponan para sa Champions League.
