Naglangkaw sa 6 porsyento an antas nin kawaran nin trabaho sa Pilipinas kan Hulyo, an pinakahalangkaw na lebel sa laog nin apat na taon, segun sa Philippine Statistics Authority (PSA).
Mas halangkaw ini kumpara sa 4.9 porsyento kan nakaaging bulan asin 5.3 porsyento sa kaparehong bulan kan nakaaging taon.
Segun ki National Statistician Dennis Mapa, an pinakabagong unemployment rate iyo an pinakahalangkaw poon Enero asin Pebrero 2022, kun sain nasa 6.4 porsyento an antas nin kawalan nin trabaho.
Nasa 3.14 milyon an bilang nin mga Pilipinong mayong trabaho kan Hulyo, hale sa 2.59 milyon kan nakaaging bulan asin kaparehong bulan kan nakaaging taon.
Sinabi ni Sergio Ortiz-Luis Jr., presidente kan Employers Confederation of the Philippines, na an mga negosyo nagpapundo sa pagkuha nin trabahador huli sa kawaran nin kasiguraduhan arog kan inflation asin manlaen-laen na polisiya.
Mientrastanto, nagbaba sa 94 porsyento an employment rate kan Hulyo, hale sa 95.1 porsyento kan nakaaging bulan. Nasa 12.9 porsyento man an underemployment rate, na nangangahulugang nasa 6.33 milyon an mga na naghahanap nin trabaho o dugang na trabaho.
