Nagdepensa an American singer-songwriter na si John Legend sa saiyang nagin desisyon sa pagsagibo kaini nin konsyerto sa Kigali, Rwanda.
Nakaguno kaya ini nin manlaen-laen na reaksyon magin an mga batikos gikan sa publiko huli man sa an Rwanda kaya an imbwelto man sa pakikipaglaban sa kataid na nasyon na Democratic Republic of Congo.
Pigsaysay kaini na dae tama na padusahan an mga tao sa Rwanda nin huli ta an mga imbwelto sana sa pananakop sa Congo iyo sana an mga militanteng grupo.
Marurumdumang pigsuportaran kan Rwanda an M23 rebels na iyong nag sakop sa darakulang syudad kan Congo.
Sa huri, mas pigpanindugan kaini an saiyang pigwalat na tataramon na aram kaini soboot an mga nangyayari sa DR Congo, magin an mga pangapudan para sa saiya na dae na idagos an saiyang konsyerto, alagad mas nagtutubod ini na an misyon kan Move Afrika ay importante pa man giraray.
