Nakatalaang magbalyo sa New York Knicks an dating NBA Man of the Year na si Jordan Clarkson, kasunod kan napagkasunduang buyout kaibahan an Utah Jazz.
Piglalaomang mapirma nin kontrata an dating Gilas Pilipinas guard kaibahan an Knicks, oras na makumpleto na an buyout sa Jazz na saiyang nagsirbing team puon kan nakalihis na 2019 kasunod kan pagkaka-trade gikan sa Cleveland Cavaliers.
Sa nakalihis na season, nagibo ni Clarkson na mag-poste nin average na 16.2 points, 3.7 assists, asin 3. 2 rebounds sa laog kan 37 ganes na saiyang ipigkawat.
Sa nakalihis man na season, an Utah Jazz an pinaka-kulelat na team sa western conference huli ta nag-abot sana sa 17 na kawat an nagibong maipagana kan koponan.
Binalikat kaini an hasta 65 loss gikan sa 82 games na nakatalaan sa kabilogang 2024-2025 season.
Sa pagbalyo ni Clarkson sa Knicks, makakaibahan kaini an presenteng core kan koponan na sinda star guard Jalen Brunson, big man Karl Anthony Towns asin mga forward na sinda OG Anunoby askn Mikal Bridges.
An nasambitan ng core an naenot sa Knicks tanganing makalaog sa 2025 Eastern Conference Finals.
Posibleng magin parte man kan Knicks bench an dating 6th Man Awardee.
