NAGA CITY- Nagin matoninong an kabilugang selebrasyon kan Itom na Nazareno sa syudad nin Naga kasuudma.
Napag-araman na alas 6:30 nin banggi kan magpuon an prusisyon kan nasambitan ng imahe gikan sa Holy Cross Parish asin naglibot sa nagkapirang parte kan syudad.
Alas 10:00 naman nin banggi kan dagos nang makaagi an mga lunadan na naprakasar an byahe huli sa gabat kan trapiko huli sa pagsasara kan tinampo sa Biak na Bato sa Barangay Tabuco.
Mahigot man an nagin pagbabantay asin monitoring kan kapulisan sa mga lugar na pig-agihan kan nasambitan ng prusisyon para masierto an seguridad kan mga deboto na gikan pa sa manlaen laen na parte kan probinsya.
Napag-araman na kadaklan sa mga deboto an nagbibisita sa nasambitan ng simbahan huli sa soboot mga milagro na pinapamati kan nasambitan ng imahe.
