Kadakol na Israeli asin mga dayuhang pasahero an na-stranded kasuudma, May 4 sa Ben Gurion Airport kan Israel makalihis an missile strikes kan Houthi sa nasambitan ng palupadan.
Katakod kaini, nagkanselar naman an European, U.S. siringman nagkapirang mga foreign airlines nin mga flights sa mga maabot na aldaw huli sa insidente.
Marurumduman, makalihis an ceasefire deal kan Israel sa Palestinian militant group na Hamas kan January, pigbukasan naman an mga biyahe.
Sigun man ki Yahya Saree, spokesperson kan militar kan Houthi, an mga palupadan sa Israel an dae na salbado para sa mga pasahero.
Puon pa kan 2023 nasa irarom na kan kontrol kan Houthi an Yeman asin saindang pigta-target an mga barko sa Israel asin Red Sea sa kasagsagan kan giyera sa pag-ultanan kan Israel asin Hamas.
Mientrastanto, ipinagsugo man ni U.S. President Donald Trump kan nakalihis na Marso an mahewasang pag-atake kontra sa Houthis tanganing mabawasan an saindang kapasidad sa ginigibong pag-atake man sa sa mga commercial na barko na nag-aagi sa Red Sea.
