Pigtutulod ni Senator Erwin Tulfo an sarong propwesto na obhetong ilibre an mga primerong matake nin Professional Licensure Examinations para sa mga kwalipikadong maralitang Pilipino, tanganing mapahews an access sa propesyonal na trabaho asin mabawasan an Enderemployment.
Sa irarom kan Senate Bill No. 2035 o an “Free Professional Examinations Act,” dai na sisingilon nin examination fees an mga kwalipikadong Indigent Examinees para sa mga Board Examinations, Civil Service Examinations, asin Bar Examinations, sigon sa mga patakaran kan mga kaukulang ahensya.
Segun ki Tulfo, kadakul na Pilipino an nakakatapos nin pag-adal alagad dai na naipagpapadagos an pagkua nin lisensya huli sa kakulangan nin pambayad sa examination fees. Huli digdi, napipiritan sindang magtrabaho maski dai pa naaabot an propesyonal na kuwalipikasyon.
Tinawan doon kan senador, na nagreresulta ini sa kawaran oportunidad kan mga maralitang Pilipino na umangat sa buhay, asin naglilimitar man sa bilang kan mga bagong Licensed Professionals sa nasyon.
Sakop kan propwesto an mga eksaminasyon na pinapangasiwaan kan Professional Regulation Commission (PRC), Civil Service Commission (CSC), asin an Bar Examinations na pinangangasiwaan kan Supreme Court of the Philippines.
Sa irarom kan panukala, an sarong “Qualified Indigent” pagtatalaan kan Department of Social Welfare and Development (DSWD), na iyo an ma-iisyu nin sertipikasyon na ipapahiling sa Professional Regulation Commission (PRC), Civil Service Commission (CSC), o Korte Suprema komo basehan kan exemption sa pagbabayad nin examination fees.
