Aram baya nindo mga ka-bombo, nagkumahog an mga kapulisan sa Texas tanganing madakop an kadakol na mga kangaroos na nakadulag gikan sa Waco Wildlife Rescue.
Katakod digde, sa video footage gikan sa sarong pasahero kan behikulo, mahihiling an sarong kangaroo na naglulukso sa katahawan kan tinampo sa Waco.
Alagad an nasambitan ng hayop an saro sana sa kadakol na mga kangaroo na nakadulag sa Waco Wildlife Rescue.
Tolos man na nagkundusir nin rescue operation an mga kapulisan kaibahan an mga personahe kan pasilidad.
Sigun sa Texas police, kakaiba soboot an saindang pigrespondehan nin huli ta mga hayop an saindang kinaipuhan isalbar alagad naoogma man an mga ini huli ta salbadong nakapuli sa rescue facility an nasambitan ng mga Kangaroo.
Sa ngunyan, dae pa malinaw kun pano nakadulag an mga Kangaroo sa Waco Wildlife Rescue.
