Nagluwas sa bugdet hearing kan House Committee on Appropriations na nahahampang ngunyan sa dakulang angat si Education Secretary Edgardo “Sonny” Angara huli soboot sa dakol kan huma na pigwalat ni Vice President Sara Duterte-Caprio sa ahensya.
Sinaysay ini ni House Deputy Minority Leader asin ACT Teachers Party-list Representative France Castro sa pagbusisi kan Kamara sa ₱793.18 billion na prosopwestong pondo para sa Department of Education o DepEd sa masunod na taon.
Pangenot na pigtukoy ni Castro an ipinautob ni VP Sara na MATATAG Curriculum kun saen tinawan nin pito hasta walong teaching loads kada aldaw an high school teachers.
Pigpuna man ni Castro an Computerization Program kan DepEd na base sa report kan Commission on Audit an igwa nin “delays, non-delivery, asin inefficiencies sa implementasyon.
Nagpromesa man si Angara asin iba pang DepEd officials na aaksyunan ninda an Commission on Audit o COA observations siringman an ₱5 billion na unpaid remittances kan DepEd sa Bureau of Internal Revenue, Government Service Insurance System, PhilHealth, asin Pag-IBIG Fund.
