Madali nang itugdok an Kadiwa ng Pangulo (KNP) stores sa pirang housing projects kan National Housing Authority komo parte na gibuhong mas accessible an mga baratong pagkakan.
Sinabi ni Department of Agriculture (DA) Secretary Francisco Tiu Laurel Jr. na an KNP program an bako sanang inisyatiba kundi sarong konkretong aksyon komo kasimbagan sa presenteng ‘agricultural asin economic challenges.’
Sa report, nagpirma an NHA asin man DA sa sarong Memorandum of Understanding (MOU) tangani sana masierto an dagos dagos na suplay kan mga produktong agrikultural sa piling resettlement sites kan NHA.
Pinangenutan mismo ninda NHA Gen. Manager Joeben Tai asin Agri Sec. Francisco Tiu-Laurel Jr. an isinagibong pagtinta kan kasunduan na obhetong pakusugon an seguridad sa pagkakan asin man ibusol an sustainability matang pigsisimbagan an mga huma sa sektor kan agrikultura.
Pigtawan duon man ni GM Tai na an KADIWA an nagin importanteng parte kan kada NHA People’s Caravan tangani masiguro na direktang nakikinabang an mga komunidad sa mga inisyatiba kan programa.
Sa irarom kan MOU, tatabangan kan DA an NHA na tukuyon an mga lugar para sa KNP site establishment asin man tawan an housing body nin technical asin logistic support.
