Pigbawi ni Presidente Ferdinand Marcos Jr. an kahaditan kan publiko dapit sa kakulangan sa pondo kan Philippine Health Insurance Corporation (PhilHealth). Sa katunayan soboot ay mas kadakol na serbisyo gikan sa (PhilHealth) an ginibong available sa publiko.
An pahayag na ini kan Presidente makalihis na tapuson na kan Korte Suprema an saindang oral argument katakod sa kontrobersyal na pagbalyo kan P90 bilyong pondo kan PhilHealth sa National Treasury.
Katakod man kaini, pig atasan kan kataas-taasang hukom an gabos nin mga imbwelto na partido na magsumiter kan saindang memorandum sa laog kan 30 aldaw.
Pigpuonan an nasambitan ng oral arguments katakod sa urulay kan nakalihis na bulan nin Pebrero makalihis na magsunad nin petisyon sa Supreme Court an pirang grupo asin indibidwal tangani ulangan an pagbalyo kan pondo.
Kasunod kaini, nagluwas nin temporary restraining order an Korte Suprema tangani ipauntok an pagbalyo kan bilyong pisong pondo.
Napagaraman kan nakalihis na ikatulong aldaw kan oral argument, pigsuhestyon ni Associate Justice Antonio Kho Junior na dapat ibalik sa PhilHealth an naenot na P60 bilyong pig uli sa gobyerno.
