Makakaibahan sa mga kawat kan Gilas Pilipinas an 7-foot-3 na si Kai Sotto, alagad dae pigmamadali ni Gilas Pilipinas head coach Tim Cone an pagrahay kaini.
Sinaysay ni Cone na ibabali sana kaini si Sotto sa Jeddah, Saudi Arabia para sa FIBA Asia Cup puon Agosto 5 hasta 17.
Paglilinaw kaini na dae makawat o makikipag-praktis si Sotto nin huli ta dae pa dagusang nagrarahay an saiyang injury.
Importante soboot ngunyan na yaon an presensiya kaini tanganing mahiling man an ibang mga kawat kan ibang koponan pag-ini an masabak na.
Dawa piglalaoman na makakaiba na kan Gilas si Sotto sa bulan nin Nobyembre o Disyembre para sa pagpuon kan FIBA World Cup qualifier, dae pigmamadali ni Cone na makapagkawat ini.
Mientrastanto, kaiba kan Gilas Pilipinas sa Group D an New Zealand, Chinese Taipei asin Iraq.
Enot na makakahampang kan Gilas an Taiwanese sa Agosto 6 na susunodan kan New Zealand sa Agosto 8 mantang sa Agosto 10 man an Iraq.
