NAGA CITY- Ako kan mga Bicolano an resulta kan 65th Miss Universe Pageant na pigkondusir sa Mall of Asia (MOA) Arena.
Sa ekslusibong entrevista kan Bombo Radyo Naga ki Jonas Rodriguez, sarong beauty pageant enthusiast asin fan kan Miss Universe pageant, sinaysay kaini na ako kan mga Pinoy an kinaluwasan kan nasambitang pageant dawa na dae pigpalad an pambato kan Pilipinas na si Maxine Medina.
Proud sinda na nakalaog sa Top 6 si Medina asin sa ipinahiling kaining performance sa kompetisyon.
Sigon ki Rodriguez, na-amazed man siya huli naman ta personal niyang nadalagan an nasambitang pageant.
Pangiturugan niya asin sarong kakaibang experience na madalan nin live sa enot na pagkakataon an Miss Universe coronation.
Napag-araman na nagtipon si Rodriguez tanganing makabakal nin upper box ticket para sa prestihiyosong pageant kan maaraman niya na an Pilipinas an magiging host kaini.
Alas-5:30 nin aga ngonyan na aldaw, naghahalat na si Rodriguez sa luwas kan MOA Arena para sa nasambitang pageant.
Mientrastanto, sinuportaran man ninda Rodriguez an bagong kinoronahan na Miss Universe na an pambato kan France makalihis na dae makalaog si Medina sa top 3 kan beauty pageant.
