NAGA CITY- Pig-aasikaso na kan lokal na gobierno kan siyudad nin Naga an kakulangan sa mga ekipahe kan Solid Waste Management Office Naga.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na kadakol soboot gamit an mayo sa lado kan SWMO sa presente.
Ini an kinababalihan kan compact tow trucks na kaipuhan para sa paglinig sa kasentruhan o mga subdivision kan Naga City.
Sigun sa alkalde, nag-so-solicit na soboot sinda alagad dae naman nagtao pa nin bilog na detalyes antes na masiertong dagos na ini.
Apwera digde, kulang pa man an nasambitan ng opisina nin garbage truck, excavator na labing kaipuhan sa waste management siringman tanganing mas maparekas an trabaho kan mga personahe kan Solid Waste Management Office Naga.
Pigtawan duon ni Robredo na kaipuhang mailaog na sa budget an numero kan mga kinakaipuhan mabakal na trucks kada taon tanganing dae magkaproblema.
Pigsaysay kan opisyal na sa presente naghahabol sinda kan mga bagong truck maski igwang mga bago nin huli ta dae pa ini bastante sa mga pangangaipuhan.
Sa ngunyan, pigsierto na sana kan alkalde na padagos an saindang ginigibong lakdang tanganing mapanuan an mga equipments na kaipuhan sa lado kan Solid Waste Management Office Naga.
