Nagpahayag si Kalihim kan Transportasyon Vince Dizon, nin pagkaandam na magtestigo giraray sa mga kaso manungod sa flood control scandal, dawa pa siya nalipat sa bagong posisyon.
Kaiba digdi an kasong kinakaharap kan dating Ako Bicol Party-list Representative Zaldy Co.
Segun ki Dizon, susundon niya an gabos na kaipuhan kan Office of the Ombudsman tanganing mapadagos an mga kasong isinampa kontra sa mga imbwelto sa sinasabing anomaliya.
Huring nagtestigo si Dizon kan Setyembre 23 sa kaso nin graft ni Co.
Advertisement
Ini manungod sa sinasabing iregularidad sa sarong proyekto na nagkakantidad nin 289.4 milyong piso sa Naujan, Oriental Mindoro.
Personal na siniyasat ni Dizon an nasabing proyekto asin saiyang sinabi na substandard an mga ginamit na sheet pile.
Advertisement
