Dakulang tabang sa Philippine National Police (PNP) an paglunsad nin mga hotline para maparikas an paghahanap ki Senador Ronald “Bato” Dela Rosa, na igwang International Criminal Court (ICC) warrant of arrest.
Sa mga hotline na ini, inaasahan kan PNP na makakakua nin impormasyon hale sa publiko na posibleng makatabang sa paghiling asin pag-aresto sa senador.
Nag-apela si Col. Allen Rae Co, hepe kan PNP Public Information Office, ki Dela Rosa na boluntaryong sumuko tanganing malikayan an posibleng madugong engkuentro.
Sinigurado man ni Co na igwa an PNP nin sapat na puwersa asin rekurso na nakatutok sa paghahanap sa senador.
Binalaan man kan PNP an mga prank caller o mga nagtatao nin salang impormasyon na posibleng atubangon an legal na aksyon.
An warrant of arrest kontra ki Dela Rosa konektado sa kasong crime against humanity na may kaugnayan sa war on drugs kan nakaaging administrasyon, kun sain nagsirbi siya bilang hepe kan PNP.
Segun sa ulat, huring nahiling sa publiko si Dela Rosa kan Mayo, asin puon kaidto, dai na siya nahiling.
