Masunad nin motion for reconsideration an House of Representatives sa desisyon kan Korte Suprema na nagdedeklarar na unconstitutional an impeachment case laban kontra ki Vice President Sara Duterte.
Sigun ki House Spokesperson Atty. Princess Abante, pigrerespeto kan Kamara an Korte Suprema alagad makalihis an masusing pag-aadal sa kopya kan desisyon kaini, saindang nahiling na ini an nakabase sa mga findings na sala asin dae tugma sa opisyal na rekord kan Kamara.
Pangenot na binanggit ni Abante na saka an sinabi kan Korte na mayong plenaryong pag-aprubar sa Articles of Impeachment antes ini ipinadara sa Senado.
Sigun ki Abante, sala man an binanggit kan Kataas-taasang Hukuman na bigo an Kamara na aksyunan an tulong naenot na impeachment complaints pigsunad kan nakalihis na Disyembre 2024 huli ta bumoto an Kamara tangani i-archive an mga ini pirang oras antes na mag-adjourn an sesyon.
Para ki Abante, nakakahadit an salang batayan kan desisyon huli ta dae pigbabali an Plenary vote, sala an pagbasa sa timeline kan mga hiro kan Kamara, asin mas pigtubudan an sarong news article kumparar sa House Journal asin opisyal na report na isinumite ninda mismo sa Korte.
Binatikos man ni Abante an interpretasyon kan Korte Supreme sa due process, na soboot nagtakda nin bagong rekisito na mayo sa Konstitusyon o House Rules.
