Obligado soboot an Kamara de Representantes na aksyunan an pigsunad na impeachment complaint laban ki Vice President Sara Duterte huli sa mandato ini kan Konstitusyon.
Alagad igwa nin personal na pagduwa-duwa, sinabi man ni Bataan 1st District Rep. Geraldine Roman, chairperson kan House Committee on Women and Gender Equality, kaipuhan na gampanan kan Kongreso an mandato na nakabugtak sa Konstitusyon.
Enot nang pig inkaminar ni Presidente Ferdinand “Bongbong” R. Marcos Jr. an saiyang mga kaalyado sa Kongreso na dae na ipadagos an mga planong impeachment kontra ki Duterte, na soboot dae ini makakamaray sa mga Pilipino asin makakaabala sana sa pagtutok kan Kongreso sa mas importanteng isyung pambansa.
Sa ibong kaini, nagsunad nin magkasuhay na reklamong impeachment an mga lider kan civil society asin religious group, pati man an Makabayan bloc, na nag-akusar ki Duterte kan mga pagbalgr sa Konstitusyon, katiwalian, panunuhol, pagtataksil sa tiwala kan publiko, asin iba pang darakula na krimen. Pigtukoy ni Acidre an lakdang komo patunay kan kamawotan kan publiko para sa paninimbagan.
Pig-sierto man ni Roman sa publiko na an proseso kan impeachment isasagibo nin tapat asin susog sa rule of law. Pigpagirumdom pa ni Acidre na an pagsunad nin impeachment ay tama sa mga padagos na lakdang kan Kamara tangani na maibusol an paninimbagan.
An reklamo nagkakanigo na isumiter sa plenaryo sa laog kan 10 session days, mantang an Justice Committee an ma determinar kun ini sufficient in form and substance tangani na magpadagos. Sa ibong kan mga lakdang kan mga pig aatubang na hamon, pigtawan duon ni Roman an determinasyon kan Kongreso na matupad an saiyang mga tungkuling konstitusyonal.
