Kahagadan ni House Minority Leader Marcelino Libanan ki Senate President Francis “Chiz” Escudero na pasimbagon na si Vice President Sara Duterte sa Articles of Impeachment laban sa saiya.
Sa sarong entry with motion to issue summons na pigsunad sa Senado, pighagad ni Libanan na dapat sugoon si Duterte na magsunad man kan saiyang kasimbagan sa laog sana kan 10 aldaw magpuon kan maresiber an writ of summons.
Pinangenutan ninda Libanan asin man ni impeachment prosecutor 1-Rider Representative Rodge Gutierrez an pagsunad kan nakalihis na aldaw nin Martes nin aga, Marso 25.
Pig ibahan man sinda ninda Reps. Paolo Ortega asin Jay Khonghun.
