Pigrekomendar kan House of Representatives an pagsunad nin kaso kontra ki Vice President Sara Duterte asin iba pa huli soboot sa technical malversation, perjury, bribery asin plunder.
Igwang koneksiyon an kaso sa dae tamang paggamit kan confidential funds sa Office of the Vice President asin sa Department of Education.
Sa ginanap na plenary session kan nakalihis na Martes, pinagtibay kan mababang kapulungan an committee report kan House Committee on Good Government and Public Accountability na iyong nagsagibo nin pagdangog kan kaso.
Basado sa committee report na saindang napatunayan sa committee hearings na nasa P50 milyon na public fund mantang an confidential an dae nagamit nin tama na nagkakantindad nin P612.5 milyon.
Dugang man ni Committee Chairperson Rep. Joel Chua na si Duterte sana an enot na bise Presidente na naghirit nin labi na confidential fund kun saen labi na P125 milyon an nagastos sa laog kan 11 aldaw.
Marurumdumang enot ng pinahimutikan kan Bise Presidente an mga alegasyon na pigbabato sa saiya.
