Suportado kan House of Representatives an planong pagbakal kan gobyerno nin 20 bagong F-16 fighter jets sa Estados Unidos na importanteng parte kan modernization program kan Armed Forces of the Philippines (AFP) tanganing orog pang pakusugon an pambansang depensa kan nasyon.
Sigun ki House Assistant Majority Leader asin Tingog Party-list Rep. Jude Acidre, sa haloy kan modernization plan kan Armed Forces of the Philippines bako nang bago an planong pagbakal kan bagong fighter jets na obhetong pakusugon an depensa kan teritoryo kan nasyon asin hampangon an mga huma sa seguridad.
Pigtawand-duon ni Acidre an mas makusog na importansiya kan pagpapakusog kan kakayanan kan AFP.
Kasuarin sana, pig-aprobaran kan U.S. State Department an pagpapabakal kan 20 F-16 fighter jets sa Pilipinas, na pigkakarkulong nagkakantidad na $5.58 bilyon. An lakdang na ini an tugma sa obheto kan Pilipinas na i-modernize an air force kasabay kan pagpapakusog kan koordinasyon kaini sa mga kaalyadong nasyon.
Pigpahayag kan Department of National Defense an plano kaining magkua nin long-term loan gikan sa US tanganing pondohan an nasambitan ng acquisition, komo patunay kan dedikasyon kan administrasyon na pakusugon an kakayanan sa depensa sa ibong kan kakapusan sa budget.
