NAGA CITY – Mas pinaigting an kampanya asin programa kan 9th Infantry Division Phil. Army sa 4th district kan Camarines Sur.
Sa nagin patara-tara ni BGen. William . Peñafiel jr., Commander, 902nd infantry brigade, pigsaysay kaini na an saindang kampanya sa may parte kan nasambitan ng distrito partikulamente na sa banwaan kan Goa, an nagpapadagos. Ini kaya soboot an natatadang distrito na igwa kan mga makakawalang grupo.
Huli digdi, padagos an saindang Focused Military Operation kun saen dakulang bagay an pig-gagampanan kan mga sibilyan sa pagtatao nin impormasyon, siringman sa mga lokasyon kan mga armadong grupo.
Apwera pa digdi, kabali man digdi an Community Support Program o Modified Community Support Sustainment Program.
Obheto kaini an tanganing matawan nin dalan an mga programa na iheheras para sa mga residentes tanganing magkaigwa nin security awareness – digdi man malaog an mga surrenders – siringman, an tabang kan mga LGUs para sa serbisyo caravan kun saen pigsasagibo an Basic Social Services sa mga barangay para sa pagpapatindog kan Farm to Market Road, eskwelahan, health Center asi iba pa.
