Nagsunad na nin petition for habeas corpus an kampo ni dating Negros Oriental Third District Rep. Arnolfo Teves Jr.
Ini an makalihis na arestaron kan nakalihis na banggi kan mga awtoridad sa Timor-Leste an pinatalsik na kongresista kun saen nagsunad man nin petisyon para sa asylum.
Sigun sa saro sa legal counsel ni Teves na si Atty. Ferdinand Topacio, kinukuwestiyon kan saindang kampo an nagin pag-arestar nin huli ta mayo man nin malinaw na rason na pigtatao an mga awtoridad.
Sinaysay pa ni Topacio na uulangan man an posibleng pagporbar na i-deport o i-extradite si Teves.
Mientrastanto, nagtutubod man si Topacio na posibleng ginigibo man ini tangani sana ilihis soboot an isyu sa nagin resulta kan nakalihis na 2025 midterm elections asin man sa hababang approval ratings kan mga opisyal.
Mayo pang reaksyon an Department of Justice (DOJ) sa pahayag ni Topacio.
Enot nang sinaysay kan DOJ na welcome para sa sainda an liwat na pag-arestar ki Teves asin man andam sinda enkaso na kaipuhan an tabang tangani ibalyo sa Pilipinas an kustodiya sa nasambitan ng dating kongresista.
