Mawot kan kampo ni Olympic boxer Eumir Marcial na gibuhong pribado na sana asin dae na isapubliko an anuman na hidwaan kan saiyang agom na si Princess.
Sinaysay ni Atty. Marlon Morada na pig-abisuhan na kaini an boksingero na pag-ulayan an iwal ninda kan saiyang agom sa tamang forum.Hasta sa presente kaya mayo pa ining narereseber na formal complaint gikan sa agom kaini.
Pinagsierto pa kan abogado na kun nareseber na ninda an nasambitan ng reklamo an tulos man ining matao nin kasimbagan digde.
Marurumduman nagsunad na nin reklamo an kampo ni Princess Marcial nin pagbalgar sa Anti-Violence Against Women and their Children Acts of 2004 sa Pasay City prosecutors office kan nakalihis na Biyernes, Enero 10, 2025.
Enot naman digde, pigbuyagyag ni Princess an piggibong pagmamaltrato sa saiya kan boksingero kun saen nadakop soboot kaini na igwang kaibang babae sa laog kan kwarto.
Maduon man ining pinahimutikan kan boksingero kun saen sinaysay kaini na imbento sana an nasambitan ng alegasyon kan saiyang agom.
