Kahagadan kan kampo ni Kingdom of Jesus Christ (KOJC) founder na si Apollo Quiboloy na tugutan ini na mag piyansa.
Ini para sa saiyang qualified human trafficking case na isinangat kontra sa saiya asin presenteng nasa proseso sa Pasig City Regional Trial Court.
Apwera ki Quiboloy, hinagad man kan saiyang kampo an kaparehong apelasyon para sa apat pang kaibang akusado.
Basado sa determinasyon kan Pasig RTC, dadangogon an mosyon kan kampo ni Quiboloy sa Huwebes, Enero 16, 2025.
Si Quiboloy enot na nadakop kan huring parte kan taon 2024 asin tulos na pigkulong sa Custodial Center kan Philippine National Police (PNP).
Kan huri, ibinalyo ini sa Pasig City Jail sa irarom kan kustodiya kan Bureau of Jail and Management Penology (BJMP).
