Dae pa masasabi kan abogado ni dating Negros Oriental representative Arnolfo Teves kun matutugotan sinda kan korte na magsunad nin piyansa para sa kasong murder na pigkakahampang kaini.
Sigun ki Atty. Ferdinand Topacio, na kan nakalihis na Miyerkules nagsagibo nin bail hearing sa Manila Regional Trial Court Branch 12.Nagpasalamat si Topacio huli ta tinawan sinda nin tyansa na maipresentar an saindang argumento.
Nagtutubod si Topacio na magigin patas an Huwis makalihis na maitao ninda an saindang mga argumento.
Nagtutubod sman si Atty. Ferdinand Benitez an abogado kan witness na si Gemuel Hobro na dae mapagbibigyan an kahagadan ni Teves na makapagpiyansa.
Nakatalaan kudta ng magtestigo si Hobro sa korte sa maabot na Agosto 8 alagad nagka-problea sinda sa nagkapirang isyu sa Witness Protection Program kaya sa Agosto 11 na sana ini ma-atendir.
Nahahampang si Teves sa paggadan ki Lester Bato an bodyguard kan sarong nagkakandidatong alkalde ka nakalihis na 2019.
Igwa man ining kaso nin illegal possesion of firearms and explosives sa parehas na korte.
Pigtutukdo man si Teves na iyong mastermind sa paggadan ki dating Negros Oriental Governor Roel Regamo asin 10 iba pa kan nakalihis na Marso 4, 2023.
