Ipinangapodan ni Kilusang Magbubukid ng Pilipinas (KMP) chair asin senatorial aspirant Danilo Ramos na dapat kanselaron an certificate of candidacy (COC) ni dating Presidente Rodrigo Duterte komo Davao City mayor huli ta pig-uugnay ini sa drug war killings kan nakatukaw pa ining presidente kan nasyon.
Sa sarong pahayag, sinaysay ni Ramos na dapat panimbagon si Duterte sa soboot “high crimes against humanity”.
Bako na man soboot palaisipan pa kun tano tutugotan si Duterte na magdalagan sa maabot na eleksyon makalihis mabunyag sa imbestigasyon sa House Quad Committee na pigpuonan kan dating Presidente an madugong kampaniya kontra sa ilegal na droga. Bakong man soboot acceptable na magdalagan sa eleksyon an sarong tawong imbuelto sa magabat na kaso nin pagbalgar sa derechos humanos.
Sinaysay man ni Ramos na dapat mag-ingat an publiko sa plano ni Duterte na makalikay sa saiyang responsibilidad asin makabwelta sa kapangyarihan.
Ginibo ni Ramos an pahayag makalihis an mga rebelasyon sa ginibong hearing kan House Quad Committee kan Biyernes, Oktubre 11 kun saen pigbuyagyag kan retiradong police colonel Royina Garma na si dating Presidente Ridrigo Duterte suboot an nagsugo kan bilog na nasyon na implementasyon kan pig-aapod na Davao model kun kun sain tinatawan nin rewards an mga pulis na makakagadan sa mga drug suspect.
