Nagbaba na an buying power kan Philippine peso sa laog nin walong taon huli sa inflation na nagrikas asin nakaabot sa pinakahalangkaw na lebel sa laog nin 20 bulan kan Marso 2026.
Susog ki Chief Claire Dennis Mapa kan Philippine Statistics Authority (PSA), an halaga kan P1 sa 2018 base year nagkakantidad na sana nin 75 centavos kan Marso 2026.
Boot sabihon, an P1,000 walong taon na an nakaagi nagkakantidad na sana nin P750. An purchasing power kan Philippine peso kinakarkulo sa paagi nin pagbanga kan 1 sa consumer price index dangan pagmultiply kaini sa 100.
An pagbaba kan purchasing power kan piso huli sa pagparikas kan inflation—an rikas kan paglangkaw kan mga presyo kan mga paninda asin serbisyo—na nagsakat sa 4.1% kan Marso.
Ini huli sa sunod-sunod na darakulang paglangkaw kan presyo kan langis na may koneksyon sa padagos na giyera sa Middle East.
