Mawot kan Iran na magsingil sa mga barko na nag-aagi sa Strait of Hormuz bilang parte kan posibleng kasunduan tanganing tapuson an giyera sa Estados Unidos asin Israel. Sarong halangkaw na opisyal kan Iran an nagsabi na gustong iiba kan Tehran an deretso na mag-imponer nin mga bayad sa mga barko na nag-aagi sa pantalan sa sarong permanenteng kasunduan.
An kantidad kan bayad madepende sa klase kan barko, kargamento, asin iba pang kondisyon. An Strait of Hormuz sarong mahiwas na strait na mga 34 kilometro an lakbang sa pagultanan kan Iran asin Oman, asin nagseserbing mayor na ruta para sa mga 20% kan suplay nin lana sa kinaban, siring man sa iba pang importanteng mga paninda. An Iranian Deputy Foreign Minister Kazem Gharibabadi nagsabi kaidto na an Iran asin Oman nagtatrabaho sa sarong kasunduan na mangangaipo sa mga barko na magkua nin mga permiso bago mag-agi sa Strait of Hormuz. Katuyuhan suboot kaini na mapadali an pag-agi kan mga barko.
Kinumpirmar ini kan Oman, na nagsasabing katuyuhan kaini na masiguro an marahay na dalagan kan trapiko sa kadagatan, dawa mayo pang malinaw na kasunduan na naabot. Poon kan an Islamic Revolutionary Guard Corps magpoon na magbara sa pantalan, nagkapirang barko sana an nag-agi digdi. Igwa man nin mga bareta na an sarong barko nagbayad nin $2 milyon tanganing makaagi, alagad ini dai pa nakukumpirma. Segun sa industriya nin barko, mayo pang nasyon na nagsingil nin bayad tangani sanang tugutan na makaagi sa dagat
. An United Arab Emirates uminoyon digdi, na nagsasabi na mayo nin nasyon na dapat na bihag tangani sanang makaagi sa Estrecho. Nag-oyon man an Qatar, na nagsasabi na dapat ining magdanay na bukas sa gabos na nasyon.
Sa irarom kan United Nations Convention on the Law of the Sea, an mga nasyon na nakapalibot sa sarong estrecho dai puedeng magsingil nin bayad bilang karibay nin simpleng pag-agi nin mga barko. Pwede sana sindang mag-imponer nin “limitadong bayad” para sa mga serbisyo duman arog kan pilotage o port assistance.
