Binatikos ni Palace Press Officer Claire Castro an resolusyon ni Senador Kiko Pangilinan na obhetong bawion an kapangyarihan kan Presidente na mag-adjust nin taripa sa bagas.
Sa press briefing sa New Delhi, India, pighurot ni Castro, na malinaw sa Konstitusyon na pwedeng i-delegate sa Presidente an siring na kapangyarihan tangani maprotehiran an publiko sa biglaang paglangkaw nin presyo.
Kung hahalion an kapangyarihang ini, madidipisilan an gobyerno na maghiro sa oras nin emergency huli ta dae kakayanon kan Kongreso an tulos na pag-aksyon.
Apwera digde, nangapudan din si Castro na tutukan an mga mapagsamantalang trader na bumababarat sa presyo nin paroy, orog na ta ₱23 kada kilo an bakal kan National Food Authority o NFA.
Pighurot man kan Palasyo an pangangaipuhang repasuhon an Rice Tariffication Law na soboot nagpalala sa kawaran nin kontrol kan gobyerno sa presyo ng bagas.
