Ipinagsugo ni Philippine National Police (PNP) acting chief Police Lieutenant General Jose Melencio Nartatez Jr. sa Criminal Investigation and Detection Group (CIDG) asin nagkapirang lokal na police units na magin preparado enkaso magluwas kan warrant of arrest kontra sa akusado sa kaso kan mga nawawarang sabungero.
An lado kan PNP pirmeng nakapreparar na mag-enforce nin ley oras kan tamang judicial processes an ma kumpleto.
Enkaso man na iniluwas na warrant of arrest, an PNP an tulos man na mahiro katakod sa units asin korte tangani masierto an tama asin lawful implementation, sigun pa ki Nartatez.
Kan nakalihis man na aldaw nin Martes, sinaysay kan Department of Justice (DOJ) na an reklamong paggadan na pigsunad kontra sa negosyanteng si Charlie “Atong” Ang asin iba pang indibidwal sa mga nawawarang sabungero an isinumiter na para sa resolusyon. Nagdeklarar an panel nin preliminary investigation asin tulos na naisumiter man na resolution.
Yan an makalihis mamanifest an complainant na dae masunad nin simbag sa counter-affidavits kan mga respondents, susog pa ki Senior Assistant State Prosecutor Charlie Guhit. An reklamo an para sa kidnapping, serious illegal detention asin multiple murder, apwera sa iba pa.
May kabilugang 57 respondents an nagsunad kan saindang counter-affidavits, kabali na sinda Ang, aktres na si Gretchen Barretto, asin dating hepe kan National Capital Region Police Office na si retired Police General Jonnel Estomo, na pinahimutikan an mga akusasyon. Kasunod man kaini, maluwas nin resolusyon an panel of prosecutors kun idi-dismiss o isusunad sa korte an nasambitan ng reklamo.
Kan nakalihis na Agosto 1, pigsunad an multiple murder, serious illegal detention, enforced disappearance, direct bribery, asin obstruction of justice kontra ki Ang asin iba pa.
Pinahimutikan ni Ang an mga akusasyon kontra sa saiya, asin an saiyang kampo an nagpahayag nin paglaom na an saindang pagmamawot na ibalik an reklamo sa PNP an maipagkakaloob, na nagsasabing an ebidensya na isinumiter an mayong bastante na kredibilidad.
