Aram baya nindo mga ka-bombo, viral nguyan sa Chinese social media an video kan kapulisan na nagpapatrolya sa tinampo kaibahan an AI-powered spherical robots na kayang maka-detect asin makapugol nin krimen.
Kasuarin sana an Chinese robotics company na Logon Technology piglunsar an RT-G autonomous spherical robot, sarong technological breakthrough na pig-desinyo tanganing magtaong asistensiya o kaya ribayan an mga tawo sa peligrosong kapalibutan asin sitwasyon.
An nasambitan ng robot an kayang mag-operate sa daga o tubig asin kayang maka-abot sa rekas na 35km/h siringman kaya an impact kan nasa 4 tons na magagabat na bagay. Sa presente, an RT-G robots an nahiling na nagpapatrolya kaibahan an mga kapulisan.
