Pigsierto ni Palace Press Officer Undersecretary Claire Castro na pupugolan kan gobierno an anuman na posibleng kariribukan naikakawsa kan pagsusunad nin warrant of arrest ki dating Presidente Rodrigo Duterte.
Pangapodan ni Castro sa mga taga-suporta ni Duterte, na dae na magmatagas asin dae na makiaram sa proseso enkasi madagos an pag-aretro kan International Police (Interpol) o kan International Criminal Court (ICC) ki Duterte, alagad, pabayaan an ley asin rule of law.
Katakod kaini, preparado an mga otoridad na arestaron an dating presidente enkasol maghagad nin tabang an Interpol.
Sigun ki Castro, dae mangingimi an gobiero na isunad an warrant of arrest ki Duterte. Kun maagi ini sa tamang proseso asin naayon sa ley, gigibuhon sana kan kapulisan an saindang mandato.
Marurumdoman na an dating presidente an nahahampang sa kasong crimes against humanity sa ICC dahil sa sayang madugong anti-drug war campaign.
Sa lado man ni dating presidente Duterte sinaysay kaini na preparado ining maghampang sa ICC.
