Umabante na sa finals ng floor exercise sa Gymnastics World Cup sa Turkiye si Karl Eldrew Yulo matapos makapagtala ng score na 13.666 sa qualification round, kabilang sa top 8 ng mga kalahok.
Nangibabaw sa qualification round si Rayderley Zapata ng Spain, na sinundan ni Anze Hribar ng Slovenia. Noong nakaraang linggo, nakapagtapos si Yulo sa pang-anim na puwesto sa World Cup series sa Azerbaijan, na nagpapatunay ng kanyang patuloy na pag-angat sa internasyonal na kompetisyon.
Ang 18-anyos na si Eldrew Yulo, nakakabatang kapatid ng two-time Olympic gold medalist na si Carlos Yulo, ay nakatakdang lumahok sa lahat ng anim na apparatus sa FIG World Cup sa Turkiye.
Advertisement
