Pig-enkaminar ni Senator Risa Hontiveros ang Senado na imbestigaran an nasa likod kan paggibo nin Filipino citizenship sa Chinese businessman na si Joseph Sy na nagin dalan tanganing makapagnegosyo ini sa nasyon asin makalaog sa Philippine Coast Guard Auxiliary (PCGA).
Sa privilege speech ni Hontiveros, pigpresentar an mga ebidensyang magpapatotoo na pineke asin minanipula ni Sy an saiyang citizenship tanganing makinabang sa mga pribilehiyong dapat an para sana sa mga Pilipino.
Ipinahiling ni Hontiveros an mga fingerprints ni Sy na nagtutugma sa fingerprints kan alien certificate registration identity card (ACR I-card) kan sarong Chinese national na si Chen Zhong Zhen na nag-apply nin visa sa irarom kan Republic Act 7919 o an Alien Social Integration Act tanganing makalaog sa nasyon kan taong 1992.
Nasa website man si Sy kan FNI website kun saen mahihiling na Honorary Chairman ini kan Philippine Silk Road International Chamber of Commerce na igwang hararom na koneksyon sa Communist Party of China.
Apwera pa digde, sa iba pang articles kan mga Chinese websites kun saen mahihiling na ipinangaki si Sy sa Donghua Village, Jinjiang City, Fujian Province sa China asin nagtabanga pa ini sa hometown kan saiyang agom na nagngangarang na Gu Zhifang.
Huli digde, pig-enkaminar ni Hontiveros an Senado na siyasaton asin i-review an proseso asin mga links na pinag-agihan ni Sy tanganing makakua nin mga dokumento asin magkaigwa nin pekeng Filipino identity.
