Pigtintaan kan Pilipinas asin Palau an tulong kasunduan sa primerong official visit sa nasyon ni Palau President Surangel Whipps Jr.
Kabali na digde an mga kasunduaan para sa policy consultation, na obhetong maglatag nin mekanismo para sa foreign ministry kan duwang nasyon na maribayan nin pananaw sa bilateral asin regional cooperation asin iba pang international issues.
Sinelyuhan man an kasundan sa kooperasyon para sa fisheries o pagsisira, na obhetong maibusol an sustainable development sa paagi kan conservation, fishing ventures, joint research activities asin paglaban sa iligal asin kontroladong pagsisira.
Huring pigtintaan an sarong Diplomatic Note para sa sarong “study visit” kan mga opisyal kan Palau asin saindang stakeholders sa mga pasilidad kan Pilipinas sa agrikultura asin pagsisira tangani makanuod nin “best practices” gikan sa mga institusyon asin pasilidad may kaaraman sa nasambitan ng sektor.
Sigun pa ki Presidente Ferdinand Marcos Jr., nagkasundo man sinda ni Whipps na ipagpadagos an mga konsultasyon asin ugnayan kan duwang nasyon mantang paparani an ika-39 aniberasryo kan diplomatic relations kan Pilipinas asin Palau sa 2027.
