Nag-sign off na o namaaram na sa saindang mga karakter na sinda Joy asin Ethan sinda Kathryn Bernardo asin Alden Richards, na nadalan sa top-grossing Filipino movie of all time na “Hello, Love, Again.”
Sinabing overwhelmed sa kaogmahan sinda Kathryn asin Alden sa trayumpo na nakaputan kan pelikula. Dae
matatawaran an mga naresiber na pagpadangat asin suporta ninda Kathryn asin Alden, puon pa sa puon kan love story kan saindang mga karakter sa “Hello, Love, Goodbye” limang taon an nakakalihis.
Kaiba an mga showbiz asin political personalities sa special VIP screening asin thanksgiving party kan blockbuster film na “Hello, Love, Again” sa Taguig City.
Kabali sa nag-atendir sa special screening si First Lady Liza Araneta – Marcos, Senate President Chiz Escudero, asin iba pang lehislador asin opisyal kan gobyerno.
Nagpasalamat sinda Alden asin Kathryn sa pagpapahiling nin suporta kan mga kinatawan kan gobyerno sa Philippine cinema.
