Kawaran nin marhay na pag-implementar kan pag-segregate nin basura, saro sa mga dugang na rason kan pagbaha
NAGA CITY- Kawaran nin marhay na pag-implementar kan pag-segregate nin basura an saro sa mga nahihiling na dugang na rason sa naeeksperyensiyahan na pagbaha sa siyudad nin Naga tuyong nagbubulos an makusog na pag-uran o bagyo.
Sigun ki Naga City Councilor Vidal Castillo sinaysay kaini na an dae tamang pag-aapon asin pagseregate kan basura an mga pangenot na contributor sa pagbaha. Ini nin huli ta an mga basura na nagkalat an posibleng makabara sa mga drainage na magigin rason man tanganing dae ini magin epektibo sa panahon kan paglangkaw nin lebel kan tubig.
Huli kaini kinakaipuhan soboot na mas orog na tutukan an pagpakarhay kan sanitary landfill tanganing mamanehar nin marhay an basura asin malikayan na magin kawsa pa ini kan dakulang problema sa maabot na panahon.
Kasabay man digde, liwat na pinagirumduman kan opisyal an publiko na magin responsable sa pag-aapon kan saindang mga basura. Sa paagi soboot kaini, makakatabang an lambang residentes sa pagmantinir kan kalinigan kan kapalibutan o kumunidad na saindang kinababalihan na dakulang katabangan man sa panahon kan kalamidad. Sa ngunyan, hagad na sana kan opisyal an pakikisumaro kan gabos sa pagmantinir kan kalinigan sa bilog na Naga City.
