Sarong Kenyan militant na nahatulan sa Estados Unidos sa pagbabalak utruhon an “September 11” attacks an na-deport kan Philippines Bureau of Immigration (BI) kan nakalihis na 2020, sigun ki BI Spokesperson Dana Sandoval.
Si Cholo Abdi Abdullah, miyembro kan Al-Shabaab, an inarestar sa Pilipinas kan nakalihis na 2019 asin deported dahil sa undesirability asin koneksyon sa terrorist group. ]
Sigun sa travel records, nag abot ini sa nasyon kan nakalihis na 2017 asin paburu-balyo magpuon pa kaidto.
Kan nakalihis na Nobyembre 4, 2024, hinatulan si Abdullah sa Estados Unidos kan duwang magkakasunod na life terms huli sa pagsasabwatan sa paggadan kan US nationals, aircraft piracy, asin iba pang krimen.
Sigun ki US Assistant Attorney General John A. Eisenberg, Si Abdullah, sarong teroristang Al-Shabaab, an naghangad na arugon an pinakakakila-kilabot na pag-atake kan terorista sa historya.
An saiyang habambuhay na sentensiya an sarong makapangyarihang pagirumdon na an mga nagbabalak nin mga pag-atake laban sa Estados Unidos an kakasuhan asin padudusahan sa pinakahalangkaw na saklaw kan ley.
Dugang pa ni US Attorney Jay Clayton, Hinanap ni Abdullah an saiyang lisensya sa komersyal na piloto sa flight school sa Pilipinas mantang nagsasagiibo nin mahewasang pagpaplano kan pag-atake kun pano i-hijack an sarong komersyal na eroplano asin ibagsak ini sa sarong establisyemento sa Amerika.
