Nagbanggaan an mga aktibista sa mga anti-riot police sa Manila kan nakalihis na Sabado Oktubre 5 makalihis na ulangan sinda sa paggibo nin demonstrasyon sa atubangan kan U.S. embahada antes an anibersaryo kan iriwal kan Israel asin Gaza.
Hasta sa an mga raliista nagprotesta pirang metro an rayo sa embahada kun saen sinulo ninda an bandera kan Estados Unidos. Asin nangapudan para sa pagtapos kan kariribokan sa Gaza.
Pahayag pa man ni Bayan Secretary General, Mong Palatino na pigkondenar soboot kaini an U.S. huli sa padagos na pagtao sa Israel nin mga armas asin man an U.S an responsable soboot sa carnage sa Palestina.
Mientrastanto pinakahuring iriwal kan Israel asin Palestina nagpoon sa pag’atake kan mga militanteng Palestinian na Hamas kan nakalihis na Oktubre. 7, 2023, na naggadan sa 1,200 asin 250 an dinakop, basado sa mga pagbilang kan Israel.
