Ipinahayag ni North Korean leader Kim Jong Un na adagos na susuportaran kan saiyang nasyon an China sa pagprotehir an soberanya, teritoryo, asin mga interes kaini, sigun sa report kan KCNA ((Korean Central News Agency) kasuodmang Biyermnes, Setyembre 5.
Sa saiyang pakikipag-ulay ki Chines President Xi Jinping sa Beijing kan nakalihis na Huwebes, sinaysay ni Kim na dae mabago an saindang pagigin amigo sa ibon kan paburo-bagong sitwasyn sa pangkinaban na mercado.
Tinukoy man ni Xi na an China asin North Korea an magkapitbahay, mag-amigo asin magkaalyado na igwang sarong obheto.Katakod kaini, pinag-uayan pa kan duwang lidr an pagpapararom kan strategic cooperation, pagprotehir sa common interest kan saindang mga nasyon.
Inapod man an KCNA an pagbisita ni Kim sa China komo sarong “makasaysayang okasyon” na orog pang nagpapatibay sa koneksiyon kan duwang nasyon, sa ibong kan mga huma asin angat sa nakalihis.
Mientrastanto, nagpadara man nin mensahe si Russian President Vladimir Putin ki Kim komo pagbati sa pagselebrar kan foundation day kan North Korea kan nakalihis na huwebes.
Binanggt ni Putin an makasaysayang pakikisumaro kan North Korean forces sa labanan sa Kursk komo simblo kan pagigigin amigo kan Russia asin North Korea.
Sigun sa report, padagos na nagtatao an North Korea nin ma soldados, bala, asin missile sa Russia komo suporta sa digmaan kaini sa Ukraine.
Sa sarong naenot na pag-urulay sa Beijing, pigsierto ni Kim ki Putin an bilog na suporta kan NortH Korea sa military kan Russia komo sarong “fraternal duty.”
