Ipigheras kan bagong Miss Capital Town 2026 an saiyang mga eksperyensya manungod sa mga pagbali antes na masungkit an korona, kabali an na pag-andam, kawaran nin pahingalo, asin an paghapot bago an banggi nin koronasyon. Sa intrevista kan Bombo Radyo, sinabi kaini na nagtiyaga siya sa preparasyon sa ibong kan mga ini.
Sa intrevista kan Bombo Radyo Naga kay Jessica Regullado, Miss Capital Town 2026, sinabi kaini na dae dapat maghaloy nin sarong semana an saiyang preparasyon, alagad nagpuon ini kan nakaaging taon. Kabali sa saiyang mga preparasyon an pagsasanay sa Question and Answer portion, pagpraktis sa runway, asin pagpapauswag kan sadiri. Kan 2024, pinili niyang maghalat bago magpartisipar sa kompetisyon tanganing siya magin mas makusog asin mas andam.
Bago siya nakoronahan bilang Miss Capital Town 2026, siya saro man na representante kan School of Teacher Education asin nakoronahan bilang Miss University of Nueva Caceres 2026. Nakua man niya an korona bilang Miss Ocampo Foundation 2024.
Dugang ni Regullado, an suporta kan saiyang pamilya, mga amigo, mga paratukdo, asin mga organisasyon na saiyang kabali an nagin dakulang papel sa saiyang kapangganahan.
Bilang Miss Capital Town 2026 pigtawan-duon n ni Regullaado an gusto niyang ipaotob an saiyang adbokasiya na “Laki kan Uma Para sa Pamilya,” na nakalinya sa saiyang eksperyensya bilang sarong paraoma. Kabali sa saiyang mga plano an pagsuporta sa mga lokal na paraoma asin pag-implementar nin mga outreach program para sa salud asin karahayan kan komunidad.
Nagpaabot man siya nin mensahe sa mga hoben na babae na nangangaturugan na magpartisipar sa mga beauty pageant, na an halaga kan sarong babae dai nakabase sa sarong korona o titulo, kundi sa saiyang karakter, pagtubod sa sadiri, asin pagkatotoo. Sa presente, an prayoridad ni Regullado iyo an saiyang pag-adal bilang second-year Bachelor of Secondary Education major in English student sa UNC.
