Duwang gana pa an kaipohan kan Indiana Pacers tanganing liwat makalaog sa NBA Finals sa ikaduwang pagkakataon makalihis kan taong 2000.
Nagkamada si Pascal Siakam kan playoff career-high 39 points para akayon an Pacers sa 114-109 pagdaig sa Knicks sa Game 2 asin kunaanon an 2-0 lead sa Eastern Conference finals.
Nadaog sinda sa Los Angeles Lakers kan 2000 sa saindang sulamenteng NBA Finals appearance.
Dadarahon an Game 3 sa Indianapolis saaga.
Nagkolektar si Jalen Brunson nin 36 points asin 11 assists para sa New York na naggikan sa 135-138 overtime loss sa Game 1.
Nagdugang sinda Mikal Bridges asin Karl-Anthony Towns nin tig-20 points para sa Knicks na kahurotan na maging enot na koponan sa historya na nakabuhat gikan sa sarong 0-2 home loss tanganing maipagana an conference finals.
Gikan sa 81-81 pagkakadukot sa pagtiklop kan third period an sarong 13-4 atake na ginibo kan Pacers sa pagbubukas kan fourth quarter para kuonon an 94-85 abante sa 9:17 minuto kaini.
An tirada ni Siakam an nag-walat sa Knicks sa 110-100 sa huring 2:45 minuto kan bakbakan.
