Padagos soboot na nagmamarhay an kondisyon ni Pope Francis sigun sa Vatican.
Ini na an panduwang aldaw kan 88-anyos na Santo Papa na nagsapo nin double pneumonia sa saiyang baga na padagos na nagtitinir sa Rome’s Gemelli hospital puon pa kan February 14.
Katakod kaini, padagos man an pagbulos kan pagpapangadyi sa bilog na kinaban kabali na an mga nasa luwas kan ospital orog na ta dae pa nahahali sa peligro an Argentian Pope.
Padagos man na pigbabantayan an prognosis o resulta kan saiyang helang maski pa padagos na nagmamarhay an saiyang kondisyon.
Matang an respiratory attack na sinapo kan Santo Papa na nangangaipuhan nin halangkaw na lebel kan oxygen an dae naman nautro alagad padagos an saiyang pagreseber nin oxygen asin breathing exercises.
Sa ngunyan, padagos an pagbantay sa kondisyon ni Pope Francis mantang padagos man an pagbulos kan pagpapangadyi para sa tolos kaining recovery.
