Pinag-sugo ni Manila City Mayor Francisco “Isko Moreno” Domagoso an pagsunad nin kasong kriminal asi sibil kontra sa general manager kan Jelsie Construction and Supply para sa “illegal” na demolisyon kan Rizal Avenue Sports Athletics Complex (RASAC) covered court sa Sta. Cruz, Maynila.
Nagsunad nin mga kaso sa City Prosecutor’s Office an tulong opisina kan Manila City Hall na kinababalihan kan City General Services Office (CGSO), Department of Engineering and Public Works (DEPW), asin Manila City Disaster Risk Reduction and Management Office (MCDRRMO) na nagsunad nin mga kaso sa City Prosecutor’s Office kontra sa nasambitan ng contractor na responsable sa paggiba sa mga istraktura nin mayong kaukulang permiso basado sa umiiral na ley sa irarom kan Local Government Code of the Philippines.
Basado sa rekord kan Department of Public Works and Highways (DPWH) North Manila District Engineering Office, pinondohan an nasambitan ng konstruksiyon nin P145.5 milyon an Phase 1 kan Sentro Komunidad de Santa Cruz, sarong multi-purpose building, na nakopo kan nasambitan ng kompanya sa paagi kan Notice of Award kan nakalihis na Mayo 22, 2025.
Siringman, sa imbes na magkua muna nin demolition asin man building permit sa lokal na gobyerno, pigraot tulos kan contractor an mga istraktura kabali na an City Hall satellite office, police outpost, Public Recreations Bureau field office, daycare center, covered court asin performance stage na sa halabang panahon an inookupa kan gobyernong syudad asin ginamit pang isolation facility sa panahon kan pandemya.
Sigun ki Yorme, kasong Malicious Mischief an pigsunad kan CGSO huli man sa pagraot sa mga opisina, unlawful demolition asin konstruksiyon an pigsunad kan DEPW, mantang dae awtorisadong pagkua sa pasilidad kan gobyerno an pigsunad man kan (MCDRRMO).
Bako sana soboot ini pag protehir sa mga pagsadiri kundi pag protehir man sa ikakamaray kan lambang mga kahimanwa. Dae dapat na pagtugutan an mga private contractors sa pag demolish na mayong pagtugot an gikan sa syudad, orog na sa mga pasilidad na kritikal sa disaster preparedness asin public service.
Napagaraman na nasa P10.4 milyon na katidad nin danyos an hinahagad kan lokal na gobyerno sa kompanya huli sa mga niraot na pasilidad sa pigsunad na kasong sibil.
Nilinaw man kan nasambitan ng alkalde na maogma nindang pig aako an anp man na proyekto asin pagnenegosyo sa Maynila basta kaipuhan sana na mag agi sa tamang proseso.
Sa ipinadara man na impormasyon kan Local Government and Regional Operations Group kan Department of Budget and Management (DBM) sa opisina kan alkalde na may petsang August 22, nakabugtak na “For Later Release” (FLR) an nasambitan ng proyekto na nangangahulugan na dae pa aprobado kan Office of the President.
An RASAC complex pigtudok kan nakalihis na 1910 asin dae naghaloy liwat na binilog sa sarong all-weather covered court kan nakalihis na 1995 sa irararom kan pamamayo kaidto ni Mayor Alfredo S. Lim.
